نێرگز - نێرگس

نێرگز - نێرگس چییە؟

گیایەکی عەلەفی و چەند ساڵەیە، لە ژێر خاکدا سەلکی هەیە کەمێک لە پیاز بچوکترە، قەدەکەی بۆ دەرمان دەبێت، بەڵام گوڵەکەی زۆر جوانە و دڵخۆشکەرە و بۆنی خۆشە لەمانگی دوو و سەرەتای سێ گوڵ دەکات بەڵام تەمەنی چەند ڕۆژێکی کەمە.

سوودەکانی نێرگز

• بۆنکردنی بۆ ژانەسەری سارد مەزاج باشە کە تای لەگەڵ نەبێت.
• بۆ ئەوانەی زۆر هەڵامەت دەگرن کە زۆر بۆنی نێرگز بکەن چاک دەبنەوە.
• بۆ ئەو ژنانەی کە توشی لەبارچوون دەبن سەلکەی نێرگز (١٠-١٥)گرام لە ئاوەکەی بخۆنەوە دایدەنێن.
• هەرچی کرم هەیە دەری دەکات بە خواردنەوەی ئاوی نێرگز.
• کەسێک ئەندامی زاوزێی سست بوو سەلکە نێرگز بکوڵێنێت و لەگەڵ هەنگوین پێی چەور بکات شەوانە.
• بۆ ئازاری جومگەزۆر بەسوودە، جومگەکەی پێی چەور بکات ڕۆژی چەند جارێک.
• گوڵی نێرگز بە پاکی وشک بکرێت و بکرێت بە پۆدر لە چاوی شەوکوێر بکرێت بەسوودە.
• بۆ هەناسە سواری (١٠)گرام گوڵی نێرگز لە یەک لیتر ئاودا بکوڵێت ڕۆژی سێ فنجانی لێ بخورێتەوە.
• بۆ درێژ بوونی موو، گەڵا و گوڵی نێرگز (٥-١٠)گرام لەناو پەرداخێک ئاودا بکوڵێت سەری پێ بشۆرێت چەند جارێک.

سەرچاوەکان

1. بۆردی نوسەرانی ئینسکلۆپیدیای زانیاری
2. تەندروستی و ژیان